"Повесть о чудесах" Герасима Вологодского
/ Публ. Ю. С. Васильева, Е. А. Малышевой
// Вологда: Краевед. альм. - Вологда, 1997.- Вып. 2.

(л. 3). Чудеса и деяния и преславная новоявленная творения преподобнаго и приснопамятнаго отца нашего Герасима, иже у Пресвятыя Троицы верх посаду, с поля от Прилука, что у Кайсарова ручья. 
Иже во времена сия содевает Бог святыми своими угодники славная и дивная чудотворения везде и повсюду, елико хощет Бог, рече Господь: Яко прославляющаго мя прославлю. 
Познание о преподобном отце Герасиме, вологодском чудотворце, и о чудесах его. Сей убо преподобный отец наш Герасим, вологодский чудотворец, под спудом посреди мира изволи почити и не скрывается николиже, но на верее полагает чудеса своя, приходящим к нему с верою исцеление источает богатно Божиим духом. Людие же, видевше и не разумевше, и в помышление таковаго не положиша, яко благодать и милость на преподобных его и посещение во избранных.

Чудо первое преподобнаго Герасима

Добро есть человеколюбие Божие и чудеса (л. 3 об.) святых его, угодивших ему, воспоминати всегда. Иже бысть в последняя времена во многих избранных святых чудесех се новое и преславное чудо, еже видети очию нашею при архиепископе Маркелле Вологодском и Великопермском. Ниже о сем да умолчим о чудесех святаго на общую пользу и образ добродетельно жити хотящим, яко да не во глубину забвения погрязнем. Се уже отселе, Сына Божия призвав, предложения слову начинаю повесть о чудесех преподобнаго отца Герасима воспоминати. 
Бысть убо некий человек, именем Иаков Савелиев сын, Вологодскаго уезду, Оларевской волости, деревни Бардихи из-за Маеги, скорбяше ногами многое время, недель тридцать и более, и никаможе ходити можаше, и много к себе врачев призываше, и ни от единаго же себе нимало помощи получити возмогаша. И по сем явися ему преподобный отец Герасим, вологодский чудотворец, и рече ему: Иакове, Иакове, вели вести себя детем своим ко мне в часовню, в Троицкой монастырь, и у гроба моего отслужи панихиду, и милостию Божиею будеши здрав от скорби сея. И бысть ему, Иакову, от того явления от скорби облегчение дней десять и более. Он же повеления преподобнаго не сотвори, забвения ради. И по умедлении его, Иаковлев, посла ему скорбь горши первыя, и лежа тою скорбию дней с девять, и паки явися ему (л. 4) преподобный отец Герасим и глаголя ему такожде, яко и перве. Иаков же того часа и повеле себя детем своим вести ко преподобному молитися. И приехав в Троицкой монастырь, повеле у преподобнаго отца Герасима в часовне пети священнику ту сущему панихиду. И по отпетии панихиды, любезно целовав надъгробную икону святаго, и воды святыя во уста своя вложив, и земли от раки его взял, и ноги своя болящия тер. И милостию Божиею и молитвами преподобнаго Герасима стал в той час здрав от скорби тоя у гроба святаго неотступно. И вси ту сущий прославиша Бога, и обещася той Иаков образ во имя святаго написати и по вся годы на память его ко гробу приходити. 
Не сие же есть первое чудо святаго и преподобнаго отца нашего Герасима, но многа и различна преди сего исцеления и явления, и прощения от него быша, но в забвении, писанию не предашася. Сие же чудо святаго того ради преди писано бысть, понеже свидетельствовася великим господином преосвященником Маркеллом, архиепископом Вологодским и Великопермским, во сто пятьдесят седьмом году*[* В 1649 году], июлия в шестый день, как тот Иаков милость от святаго получил у гроба его неотступно. А у того Иакова свидетельство и сказку писал пред архиепископом Маркеллом казенной его подьячей Алексей Андреев. И оттоле преосве(л. 4 об.) щенный Маркелл, архиепископ Вологодский и Великопермский, велел троицкому священнику Григорию приходящих ко святому допрашивать, кои люди милость получили, и писанию придавати древняя и новая чудеса, яко да не в забвении пройдут. 
А о жительстве его - коликими труды подвизася, и коего града урожением, и какова рода саном, - того мы не обретахом прохождения ради многим лет и от раззорения неверных града Вологды. Но слухи наши простираются от древних человек, что в старых вологодских летописцах пишет сице, что преподобнаго сего отца Герасима Служба вся с полиелеом и Чудеса его написаны были для празднества на память преподобнаго предложены. И егда Божиим наущением, грех ради наших, прииде раззорение на град Вологду от иноверных, тогда Житие святаго и со Службою безвестно утратися.
А о приходе преподобнаго пишет сице: В лето шесть тысяч шестьсот пятдесять пятое*[*В лето 1147], августа в девятый на десять день, на память ев [ятаго ] мученика Андрея Стратилата, прииде преподобный отец Герасим от богоспасаемаго града Киева, тоя же веси**[** Веси - в данном тексте - поселения, т. е. Киева] Глушенскаго монастыря постриженник, к Вологде реке, еще до зачала града Вологды, на великий лес на Средний посад Воскресения Христова, Ленивыя площадки Малаго торжку, и создал пречестен монастырь во славу Пресвятыя Троицы от реки Вологды растоянием за полпоприща, (л. 5) И оттоле поживе ту преподобный лет тридцать один и скончася в лето шесть тысящь шестьсот восемдесять шестом году***[*** В лето 1178], марта в четвертый день, на память преподобнаго отца нашего Герасима, иже на Иордане. 

Чудо второе преподобнаго Герасима

Древле убо бывшая знамения же и чудеса, и преславная явления от преподобнаго отца Герасима. Бысть убо некая стара жена после раззорения града Вологды****[**** Имеется в виду разорение Вологды поляками 22-25 сентября 1612 года], с Мироносицкаго брегу, слепа очима, два на десять лет не виде ничтоже. По сем явися ей преподобный отец наш Герасим и рече ей: Жено, вели вести себя ко мне в прежде бывший Троицкой монастырь верх посаду и над гробом моим отпой панихиду, аще ли сотвориши тако, то будеши здрава. Она же ощутися от сна и рече ему: Угодниче Божий Герасиме, како могу познати аз многогрешная, где ты почиваеши, понеже аз слепа сущи; твое святое место, грех ради наших, от нашествия иноплеменных раззорено бысть. Тогда паки рече ей святый: Аще веруеши истинно, то узриши славу Божию. И испроси святый у нея плат и рече ей: На коем гробе обрящеши плат свой во утрии повержен, ту отпой панихиду. Во утри же рано повеле жена та вести ко святому и обрете плат свой от северныя страны в угле монастыря (л. 5 об.) повержен. И ту повеле пети панихиду. Сама же, вземши плат свой, мочалие слезами и моляшеся ему прилежно, и абие молитвами святаго прозре очима своима. И оттоле поведано бысть место святаго и начаша приходити мнози к святому исцеления ради недуг своих. И по малу времени возградиша над мощами святаго малу часовню и раку устроиша, и икону в память во имя святаго написаша.

Чудо святаго третие

олезна есть и сие чудо поведати святаго. Во лето пятьдесят шестом году*[* В 1648 году], майя в четвертый день, приежжал в Троицкой монастырь ко святому отцу Герасиму сын боярской Вологодскаго уезда, Воздвиженской волости, села Шуктова, Спаскаго приходу, Василей Максимов сын Вениаминов, отпел панихиду, а сказал троицкому попу Григорыо, что скорбен он внутренною порчею недель тридцать и больше, многажды был к смерти. И услыша о сем преподобном Герасиме, что многа от него исцеления бывают приходящим к нему с верою, он, помянутый Василий, обещася итти помолитися. И бысть ему от того часа облегчение. И приезжал той Василий для отправления своего обета и помолися с прилежанием довольно, и взяв воды святой и перси**[**Здесь и далее в этом слове над строкой карандашом добавлена буква "т": персти] от раки его, и отъиде в дом свой, славя Бога и преподобнаго (л. 6) отца Герасима. Персь же ту, влагая во святую воду, пияше, и от той милость Божию получил, молитвами преподобнаго здрав бысть от скорби тоя. 

Чудо святаго четвертое

Ниже сего святаго о чудесах умолчим. Во сто пятьдесят седьмом году***[***В 1649 году], месяца июния в первый на десять день, человек некий, именем Аникий Иванов сын, с Золотухи реки, скорбяше очима многое время, года с полтора и более, и никаможе можаше ходити слепоты ради. И обещася итти ко святому Герасиму помолитися. Мати же его Антонида ведяше сына своего. И пришед в Троицкий монастырь, повеле священнику ту сущему Живоначальной Троице пеги молебен, а преподобному панихиду большую. Сам же моляшеся ко святому со слезами и глаголаше в себе: Угодниче Божий, преподобие отче Герасиме, се бо аз многогрешный, яко аще хощеши, можеши мя исцелити от скорби сея; понеже ты восприял еси о сем благодать и власть от Христа Бога, еже целити всякия скорби человеком. Помилуй мя грешнаго и не достойнаго раба твоего, прости, дай же ми еще свету очима моима видети. Тако да прославится имя твое святое. И по сем целовав надгробную икону святаго. (л. 6 об.) И священник крестом благослови его и святою водою покропи их, и персию святаго от гроба очи мазал, и абие помалу очию прозре. И обещася во имя святаго написати икону, и возвратися в дом свой, воздавая хвалу Богу и угоднику его преподобному отцу Герасиму. И оттоле бысть здрав от скорби тоя. 

Чудо святаго пятое

Многа бо от многих слышахом о сем преподобном отце Герасиме и о чудесех его, но сие токмо понудихомся написати, яко да не в конец лености ради нашея забвена будут исцеления святаго требующим от него. Во сто пятьдесят осмом году*[* В 1650 году], июлия в пятый на десять день, бе человек некий, именем Архип Иерофеев сын, прозванием Петухов, живяше близ святаго в Троицкой улице. Бе же случися ему скорбети вельми от черныя немощи года три и более, и часто от нечистаго духа поверзаем долу, и крепко бием бываше, овогда в дому, овогда на пути. И зело биение его, яко и очию его закрывахуся, и лежаше безгласен, аки мертв, часа по два и по три. И по сем воспомяну человек той преподобнаго отца Герасима, что многа от него исцеления бывают. И прииде к нему в часовню, с верою теплою и со слезами молися ему прилежно, и повеле пеги над гробом святаго панихиду. И (л. 7) моли сам святаго да помолится о нем к Богу. И по сем целова икону его и, святыи воды испив и взяв воды и перси, отъиде в дом свой, и персь в святой воде пияше. И от того милость Божию молитвами святаго получи и здрав бысть от скорби тоя. И оттоле начат приходити ко святому по вся недели, молитися ему прилежно, хвалу воздавати. 

Чудо святаго шестое

Некоим же днем минувшим человек некто, именем Наум, ковачь железу из ехаловых кузнецей, скорбяше очими недель двенадцать. И не виде нимало стези своея и о сем плакате вельми и Бога моля, дабы хотя мало прозрел. Во едину же нощь явися ему отец Герасим и повеле ему на гробе своем отпети панихиду. Он же во утрии, востав, и повеле вести себя ко святому, и панихиду отпев, и икону надгробную святаго целовав, и водою святою священник его кропил, и перси у гроба святаго взял, и очи свои потер, и здравие получи от скорби тоя. И оттоле нача держати ко святому веру велию и по вся недели от трудов своих по две пенязи приносити, и до скончания своего. 

Чудо святаго седьмое

Времена же прежде бывшаго сего, во сто пятдесять девятом году**[**В 1650 году], ноября в тридцатый день, бе человек некий, именем Леонтий Елиза(л. 7 об.) ров сын, Вологодскаго уезду, Сямженской волости, Спаскаго приходу, крестьянин, скорбяше ногами года полтора и более. И никаможе ходити можаше и много врачев призываше. И от того раздав врачем имения своего не мало, а не бысть ему от врачев помощи, но и горши ему перваго бысть. И впаде в горшее великое разслабление. По некоем же времени, услыша о сем преподобном Герасиме и о чудесех его, и повеле вскоре вести себя ко святому. И внесоша его в часовню, повеле пети панихиду. Сам же пад пред образом святаго и моляся ему прилежно, от очию же его аки два источника слез течаста. И по молитве, встав, и лобыза образ. И от того часа получи от Бога милость молением преподобнаго, и исцеле от язи тоя. 

Чудо святаго осьмое

По неколицех же днех того же году, декабря в третий день, бысть некий человек, именем Симеон Богданов сын, Вологодскаго уезду, из Широгорья, деревни Онаньина, имяше у себя дщерь девицу, именем Аколину. Бысть же ей посещение от Бога, скорбяше очима годы с три. По сем поим отец ея, и иде к преподобному Герасиму, и панихиду велел пети в часовне, и святою водою очи ея кропил священник, и персии святаго тер. И невдолзе молитвами святаго прият от Бога дар прощения от недуга того, славя и благодаря ев [ятую ] Троицу и преподобнаго отца Герасима.

Чудо святаго девятое

По сем же малошедшем времени, того ж (л. 8) году, майя в седьмый на десять день, жена некая, именем Гликерия Иванова дочь Феофилактова жена Скорнякова, съ Обухова, бысть у нея отметнулася приточная некая язва на челе ея. И оттого ей зле страждущу дни три и более, и все лице ея и гортань запухли бяше, и очи затекли, и лежаше аки мертва. Отец же ея Иоанн, видя таковую болезнь, и вскоре течаше ко святому. И пришед в Троицкой монастырь в вечернее пение, и стояше до отпуста. И по сем повеле священнику ту сущему итти ко святому в часовню и пети панихиду. Сам же пад пред иконою святаго, просяще прощения за дщерь свою тоже, востав от молитвы и взяша от раки святаго перси, и пити с нея дщери своей даяше, лице и гортань ея мазаше. И от того ей молитвами святаго стало легче. И оная жена Гликерия приходила сама к святому в часовню и панихиду велела пети, и моление велие святому воздаде. И не по мнозе времени свободная молитвами святаго от недуга своего. 

Чудо святаго десятое

Во сто шестьдесятом году*[*В 1651 году], октября во осьмый день, человек некий, именем Игнатий Антониев сын, урожением каргополец, живя в посаде на Ленивой площаде, в Варваринском монастыре. Бывшу же ему в лес на работи секущу дрова, и случися ему посещение от Бога, воста зубная болезнь. И преста от работы своея, и обещая отти ко святому отцу Герасиму помолитися, и бысть ему от того часа легче. Прииде же в дом свой, и дни три ни единою помысли итти ко святому, обещание свое исполнити. По умедлению его паки воста та же болезнь, и (л. 8 об.) опухло все лицо его, и на сердце его бысть тоска велия. И паде ниц, лежаше безгласен аки мертв. Жена же его по имени Варвара, крича плачущи подымая его, рече: Что, господине мой, забыл еси обет свой, еже хотечше итти ко св [ятому ] Герасиму помолитися. Он же аки от сна ощутився, и бысть ему легче от скорби. Он же скоро тече ко святому помолитися, и паки на пути, ненавидя добра, враг - диавол запя и вложи ему во ум мысль сицевую, что аз веще тружуся, и едва будет ли ми помощь от святаго. Скорбь же его нача воставати горше прежде бывшия. Он, воздохнув из глубины сердца своего, и поиде без сомнения ко святому. И пришед в Троицкой монастырь в вечернее пение, и стояше до отпуска. И по сем повеле священнику ту сущему итти ко святому в часовню и пеги панихиду. Сам же пад пред иконою святаго, просяще прощение. И по сем воста и целова икону его. Священник же кропяше его святою водою и пити ему даяше. И в то время прости его Бог от скорби тоя молитвами святаго у гроба своего неотступно. И иде, радуяся о исцелении, славя Бога и св [ятаго ] отца Герасима. 

Чудо святаго первое на десять

Не по мнозем же днех онех прииде человек некий помолитися ко святому, именем Гавриил Васильев сын Дьяконов, из Ереминцева, бяше скорбен лихорадкою много времени. И прииде ко святому и повеле пеги панихиду святому. Сам же прележно моляше святаго, глаголя: Угодниче Божий Герасиме, спаси мя и исцели от скорби мя многогрешнаго дарованием Божием, данным (л. 9) ти свыше, да вси видевши человецы вернии и восхвалят имя твое святое. И сие изрек, приложився ко образу его. И святою водою священник кропил его. И земли у гроба святаго взяв, и, до дому дошед, многажды с нея воды испивал. И молитвами святаго преста болезнь и здравие получи. 

Чудо святаго второе на десять

В мимошедшее время бе человек некий, именем Григорий Афанасьев сын, Вологодскаго уезду, Карачаевской волости, деревни Селищ, скорбяше ногами много времени и много врачев к себе призывав. И не бысть ему от них помощи. И по сем, услышав о сем ев [ятом ] отце Герасиме, что многа от него исцеления бывают, и обещая итти к нему, и бысть ему облегчение. Он поиде к святому и, пришед, в часовне его панихиду пеги велел, к земли у святаго взял, и ноги своя тер, и бысть здрав от скорби тоя. 

Чудо святаго третие на десять

Бе некий человек, именем Герасим Афанасьев сын, со Старыя площади, художеством кузнец. И бе во главе его щемота недели с четыре, и в правом ухи его нечто ввалилося, и отече вся глава его, и не чуяще ничто же. И воспомянув о сем ев [ятом ] отце Герасиме и о его премногих чудесех, и пойде к нему. И повеле пети панихиду у гроба святаго, и потом целовав икону его, и священник святою водою кропил его болящия места. И нача щепота его в той час преставати молитвами святаго. Он же, взем перси его, и поиде в дом свой, радуяся, и, (л. 9 об.) пришед в дом, взем святаго воды и пи сам. И Божиим дарованием и святаго отца Герасима став здрав. 

Чудо святаго четвертое на десять

Тайна царева добро есть таити, дела Божий проповедати преславно есть, и угодников его прославлять вельми полезно есть. По сем прииде некий человек, именем Дометиан Алексиев сын, Вологодскаго уезда, деревни Рязанки, от Спаса з Бруснишника, помолитися ко святому. А сказал он сице о себе священнику ту сущу именем Григорию: Случися мне быти некогда в лесу на работе и сещи дрова, и поразило мне деревом в голень в левую ногу, и оцепнуло ногу, и стало рости на ране той дикое мясо. И много врачев к себе призывал, и не бысть ми от них помощи, и бысть весь в разслаблении недель двадцать, и не можаше двинутися никаможе. И услыша о преподобном отце Герасиме, что многа от него исцеления бывают, и обещася итти к нему помолитися, и плачася вельми: Да подасть ми хотя мало отрады. И бысть от того часа легче, и на назе язва стала приживать. И аз же вскоре пойде ко святому, и по сем повеле пети в часовне панихиду, и молися святому прилежно. И пойде в дом свой, радуяся и славя Бога и угодника его преподобнаго отца Герасима, стал здрав от скорби тоя. 

Чудо святаго пятое на десять

Якоже бо солнце мрачными облаками закрываемо бывает и лучи света его так бывают, такожде и чудеся святых, иже лености ради писанию не предашася, (л. 10) суть нетвердо веруема бывают, понеже овъ убо мнит сице, овъ же инако. Не подобает убо светильника под спудом скрывати, но на свещнице возлагати, даже входящий вси видят свет. Аще ли же мы умолчим, то камение возопиет. Бысть убо некая старица, именем София, живяше у Воскресения Христова в Ракулеве. Случися ей от Бога посещение, изнеможе очима своима и не виде ничтоже недель тридцать и более. И по сем явися ей преподобный отец Герасим, вологодский чудотворец, и веляше ей вести себя в Троицкой монастырь, и отпети у гроба его панихиду, и будеши здрава. Она же по сем явлении бысть в сомнении. И по сем паки в третию ночь явися к ей святый и то же слово рече ей. Она же, очитився от сна, и убояся вельми. Вскоре повеле вести себя ко святому и в часовне его панихиду пеги велела. Сама же паде пред иконою святаго и моляшеся, глаголя: Прости мя, угодниче Божий Герасиме, и помолися о мне многогрешной ко Господу Богу и Пречистой Богородице, и подай же ми еще бедной свет видети. И по сем целова его образ. И водою святою священник кропил ея, и персию святаго болящия очи ея потерла. И молитвами святаго отца Герасима прозре вскоре болящима очами своима. Пойде в дом свой, радуяся и благодаря Бога, яко щедр есть и милостив, и угоднику его хвалу воздавая велию, яко скор есть призывающих его на помощь обретается. 

Чудо святаго шестое на десять

Якоже бо дым пчелы прогоняет, такожде и нерадение наше далече от Бога отлучает и во огнь вечный влечет, якоже бо и о богатом (л. 10 об.) Лазаре во Евангелии глаголет: Виждь, како смири его скорбь и како уцеломудри его мука. Того ради, любя, наказует нас Бог скорбми и напастьми, яко дабы нерадением своим от Бога не отпали и зле не погибли. Бе человек некий, именем Матфей Мартириев сын Пятышев, живяше близ святаго в Троицкой улице, жесток сый и немилостив. Случися ему некогда изступити ума своего, и много кричаше, и несмысленно глаголаше, и глядяше семо и овамо, и ръяшеся, помешася, себя о стены и о землю. Отец же его Мартирий и мати Евфимия держаше его в руках своих крепко, дабы како чим себя не вредил. Он же, рвашеся от них семо и овамо, и укуси отца своего за десную руку. Они же, таковая видяши, поведоша его ко святому Герасиму в часовню и положиша его на среду ко гробу святаго. Сами же начата молитися ему прилежно, глаголюще: Угодниче Божий Герасиме, помолися Пресвятей Троице о сыне нашем и подай ему прощение и исцеление от скорби сия, не отъидем бо от гроба твоего святаго. И стояху в часовне всю нощь на молитве пред образом его со слезами. Сын же их лежаше аки мерт у раки святаго безгласен. На утри же, востав, сын их, аки от сна тяжкаго ощутився, нача глаголати смысленно и молитися Богу и его святому угоднику Герасиму. И бысть ему от того часа милость Божия, молитвами преподобнаго отца Герасима став здрав от скорби тоя. И поиде в дом свой, славя Бога, с родители своими, и угодника Божия Герасима.

(л. 11). Чудо святаго седьмое на десять

Яко же бо земля блага, часто всеянная в нея семена с прибытком возвращает, такожде и о святых чудеса с верою приходящим сице издавают исцеления. Во сто шестьдесять седьмом году*[* В 1659 году], июлия в шестый на десять день, бысть человек некий, именем Илия Ананьин сын, Вологодскаго уезду, деревни Окатова, крестьянин Иосифа Васильева сына Воронова, лежаше огницею недель десять и более, и многая мечтания и привидения от бесов ему бысть, и лежаше при смерти. Мати же его, призва отца духовнаго, и повеле его исповедати, и дати ему святое причастие. По мале же времени заснул человек той болящий и слыша глас глаголющему, а не виде никого же: Илия, Илия, не бойся силы вражия, но токмо твори молитву Иисусову и ограждайся крестным знамением, и, востав, молися Богу, и будеши здрав. Он же ощутився от сна, и бысть ему легче от скорби. И по сем услыша о святем отце Герасиме, что многа от него исцеление бывают. Не укрывает бо ся град верху горы стоя, такожде и сей снятый о чудесех своих больше прославится. И по сем поеде ко святому в Троицкой монастырь и повеле пети панихиду. Сам же моляшеся святому вельми, таже целова надгробную икону святаго, и водою святою священник кропил его, и Персию святаго терся. И божиим дарованием и молитвами ев [ятаго ] отца Герасима стал здрав от скорби тоя и оттоле положи обещание на ся, что повсягодно непременно ко святаму ходити. 

Чудо святаго осьмое на десять

Якоже бо камень магнит железе привлачит, (л. 11 об.) или бисер кто обрет, той честен бывает, тако и святый отец жития, кого восхощет Бог прославити чудесы или места трудов их ради и подвигов великих, сице скоро познана будут. Якоже и о сем святом ясно возлаголати имамы. Бысть убо некая жена, именем Феодора Иоанникиева дочь Попова, со Сретенскаго берегу. И по смерти мужа своего иступися ума и хождаше аки тьмою помраченна, и языком нелепая вещаше недели четыре. Отец же ея, священник Иоанникий, поим дщерь свою, и веде ю ко святому отцу Герасиму помолитися. И повеле священнику ту сущему пети у святаго панихиду, и потом целоваста надгробную икону святаго, и святою водою кропил, и перси у святаго взял, и, домой доехав, с перси воды испивать давал. И вскоре от святаго исцеление получи от скорби тоя молитвами святаго. И оттоле положи обещание она на себя, что по вся годы ко святому ходити. 

Чудо святаго девятое на десять

Якоже бо источник некий чист елико исчерпается, толико изобилует своя быстрины, такожде и сей святый неоскудно с верою приходящим исцеление источает различными недуги. Во сто пятьдесять седьмом году*[* в 1649 году], июлия в третий на десять день, приходили в Троицкой монастырь помолитися Грязной Иванов сын с женою своею и с детьми. Привозил сына своего Козму тридесяти лет, скорбни ногами недель десять и более. И внесоша его в часовню ко святому. И повеле пеги панихиду и молиша святаго: да помолится о нем к Богу и подаст исцеление больному. И потом целоваша надгробную икону святаго, и воды святыя и земли взяли, и болящия ноги терли. И абие помалу нача жилы его простиратися молитвами святаго, и вскоре стал здрав от скорби тоя. 

(л. 12) Чудо святаго двадцатое

Якоже бо почела от многих цветов собирает малые капли росы, и от того себе она пищу творит и прочих людей услаждает, понеже бо от сладости нарицается мед, а от света день. А дел добрых и жития прославляются святии и от чудес познаваются, якоже и сей святыи отец Герасим похваляся, ему бо рече праведнику, возвеселятся людии, и паки память праведнаго с похвалою, и благославение Господне над главою его, и в память вечную будет праведник. Во сто пятьдесят девятом году*[* В 1651 году], майя в третий день, бе некий человек, именем Мартин Тарасиев сын, Болыпаго двора подьячей. Случися ему одержиму быти лихораткою недель с одиннадцать и более, и зело мучаше его. По сем воспомяну он преподобнаго отца Герасима, что многа у него исцеления бывают, и рече в себе: Угодниче Божий Герасиме, вем бо аз многогрешный и непотребный раб твой, яко обрел еси ты благодать неоскудну от Христа Бога и венец доброты от руки Господни, тако и мене, ныне люте жегомаго и злостраждуща от огницы, прости и помилуй. И обещася итти ко святому помолитися, и се помалу облегчи его Бог от скорби тоя молитвами святаго. Он же радостен бысть и поиде ко святому. И пришед в Троицкой монастырь, и повеле пеги священнику ту сущему Живоначальной Троице молебен, а преподобному отцу Герасиму панихиду. Сам же многа моления изрек ко святому и целова надгробную икону его, и водою святою священник кропил его. И Божиим дарованием и молитвами св[ятаго] отца Герасима в той час стал здрав от скорби тоя. И обещася во имя святаго образ (л. 12 об.) написати и молитися, и ко святому и по вся годы ходити. 

Чудо святаго двадцать первое

Иже в Бозе начахом о чудесех сего святаго поведание творити. И елико аще кто восхощет почести их пользы ради душевныя, и что либо обрящет от духовныя нашего в речех слога не исправлено, где что отъяся или преложися неведанием или забвением, и вы, господне мои, отцы и братие, своими разумы наполняйте, а не осуждайте, но поминайте апостольское, о сем глаголюще друг другу тяготы носите, и такс исполните закон Христов. И паки о сем глаголет Господь: Не осуждайте, да не осуждены сами будети, но прощайте, да и сами прощены от Бога будети. В ню же бо в меру мерите, возмерится вам праведным судом Божиим. Понеже бо аз многогрешный во Афинех не бывал и с философы не живал, и доброрассуднаго и здраваго оскорбительнаго нравоучения не видал, точию от части вмале Божественнаго Писания учению коснухся. Но точию аз многогрешный надеялся на помощь всемогущаго Бога и на него, угодника преподобнаго отца Герасима. Да мя наставит чудеса его писанию предати. По совету и по благославлению наставника и пастыря церкве тоя, священноиерея Григория Алексиева сына Попова, урожением белозерца, съ питательством и труды его и за многа времене да мя спасет и помилует недостойнаго раба своего Фому, и подаст благодать Св [ятаго ] Духа, еже дерзнул сице рещи. По сем прииде человек некий ко ев [ятому ] отцу Герасиму помолитися, именем Иоанн, медник с женою своею и с детьми, и повелел (л. 13) пеги панихиду святому. Сам же вельми у гроба его плакате и молебсгвование. И по отпетии панихиды поведал священнику ту сущему вещь сицевую: В прошлом году немог меня сын, лежал огневицею недель с девять и более. И аз многогрешный приходил ко святому отцу Герасиму помолитися и земли у него взял, и пити с нем воды сыну своему давал. И бысть ему от того молитвами святаго вскоре здравие. И аз многогрешный от того времене положил обещание на ся, что по вся годы ко святому приходити и литии пети у гроба его, и молитися прилежно, и хвалу велию о чудесех его воздати, яко зело милостив есть на помощь. 

Чудо святаго двадцать второе

Якоже бо многоводную пучину моря в малую частицу вместити все возможно есть, такожде и величия дел великаго Бога нашего исповедати, еже творит святыми своими угодники везде и повсюду с верою приходящим. В предъидущее же время бысть некая жена, именем Мавра Нестерова дочь Панова, деревни Бршовки. Скорбяще много времени ногами, года с полтора и более, николиже ходити можаше. И много врачев к себе призываше, и не бысть ей от них помощи. По сем явися ей преподобный Герасим, вологодский чудотворец, и велел ей у себя в часовне отпети панихиду, и бысть ей от того явления легче. Она же то забы и не иде ко святому недель с десять. И паки воста у нея болезнь более первыя, и паки явися ей святый и рече: Почто забыла еси, жена, явление мое, и чего ради не иде ко мне помолитися? Она же, очутився от сна, и скоро повеле вести себя ко святому и повеле пети панихиду. Сама же моляшеся ему прилежно и многи слезы у гроба его точащи: Помилуй. И нача назе свои болящия скорченный простирати и на них вое- (л. 13 об.) тавати. И по сем целова образ его святый любезно, и перси от раки его взяла, и ноги свои терла. И в тот час прости ея Бог молитвами святаго у гроба своего неотступно. 
Она же, воздав благодарение Пресвятой Троице о сем чудеси и угоднику его преподобному отцу Герасиму, и пойде, радуяся, в дом свой. Они же, видевши ю пришедшу и здраву, и прославиша вси вкупе святаго. 

Чудо святаго двадцать третье

Коли же вас, любимии отцы и братия, и мене ради Божия, аз многогрешный еже преди речеся святаго чудеса писанию предасти, елико вас Богом параклит святый настави, такожде достоит и настоящая вписать на пользу слышащим, а святаго прославляющим. О сем рече Господь: Яко прославляющаго мя прославлю, и о мне хвалящаюся вознесу. Бысть убо некая жена, именем Дария Никифорова дочь Бычинева вдова сущи, с Мироносицкаго берегу. Скорбела левою ногою от притчи недель шесть и более, язва была у нея на плесне. Бысть же у нея сын, именем Алексий, и той велию веру имел ко святому. Поведа о сем матери своей, что многи от него исцеления бывают. Бгда она, услышав слово его, и вскоре повеле вести себя ко святому. И приехав, пела панихиду и земли у гроба его взяла, и моление ему творила с любовию и завещанием, и, домой доехав, болящую ногу свою землей терла. И по мала времени стала здрава от скорби тоя молитвами святаго. 

Чудо святаго двадцать четвертое

По неколицех же днех прииде человек некий ко святому помолитися, именем Фома (л. 14) Аникиев сын, прозванием Лузин, от Николы чудотворца с Горы. Немог зубною болезнию недель с пять и более. Да в то же время у него немог сын чревным недугом, многажды сын при смерти. И пел панихиду и потом целова надгробную икону святаго, и земли взял, и, домой дошед, воды с нея испивал, и сыну своему давал. И бысть им от того милость Божия, молитвами святаго стали здравы. 

Чудо святаго двадцать пятое

В прошлом во сто пятьдесять шестом году*[* В 1648 году], иуния в пятый день, приходил человек некий, именем Гавриил Викторов сын, художеством иконник, ко святому отцу Герасиму помолитися. Бе же у него дщи, девица лет четырех, немогла черною немощию недель с десять и более. Егда же отец ея обещася ко святому помолитися и свещу велел сыскати с нея длиною, и как у святаго панихиду отпел и свещу поставил, и земли взял, и, домой дошед, воды испивати с нея давал, и бысть ей от того здравие молитвами святаго. 

Чудо двадцать шестое

Исцелил преподобный отец Герасим с Мироносицкаго брегу Иоанна Семенова сына дщерь его, девицу болящу чревным недугом недели с четыре и более. 

Чудо двадцать седьмое

Во сто пятьдесять осмом году*[* в 1650 году], июлия в пятый на десять день, простил той же святый Герасим с Обухова Гавриила Чадова, скорбел лихорадкою недель с пятнадцать. 

Чудо двадцать осьмое

Тогожде году, октября в седьмой день, подал цельбу преподобный отец Герасим от убогаго дому Касме Романову сыну Кормильцеву, скорбел (л. 14 об.) ногами недель с сорок.

Чудо двадцать девятое

Тогожде году, июлия в первый день, простил преподобный отец Герасим деревни Кукшинова Григория Иванова, скорбяща лихораткою недель пятнадцать. 

Чудо святаго тридцатое

Во сто пятьдесять седьмом году**[** В 1649 году], июлия в пятый на десять день, исцелил преподобный отец Герасим от Спаса из Выпрягова села Данила Иванова сына Тюлкова от щепоты главныя, скорбел он тою скорбию во всяком месяце дни по три и более лет шесть. 

Чудо тридцать первое

В том же году, августа в четвертый день, исцелил преподобный отец Герасим владычня сына боярскаго Александра Диомидова сына Шестакова, скорбяща лихораткою недель с одиннатцать.

Чудо тридцать второе

Исцелил преподобный отец Герасим Постника Серапионова из внутри города, скорбяща ногами года полтора и более.

Чудо тридцать третие

Исцелил преподобный Герасим из Веденския улицы Третьяка Мефодова, скорбяща зубами недель пять.

Чудо тридцать четвертое

Исцелил преподобный Герасим от Иоанна Предтечи из пустыни Иакова гребеныцика, огневой недель седьм.

Чудо тридцать пятое

Исцелил преподобный отец Герасим с Мироносицкаго берегу Иакова, портного швеца, боляща, огницею жегаша недель с шесть. 

Чудо тридцать шестое

Иже сего святаго о чудесех умолчим, (л. 15) Во сто четвертом году*[* Должно быть: Во сто семьдесят четвертом году. - В 1666 году], февраля в двадцать вторый день, приежжала из Калашные улицы подъемщика Василия Христофорова жена Акилина Евсивиева дочь в Троицкой монастырь помолитися ко святому Герасиму. А сказала она троицкому попу Григорию: В нынешнем году скорбела я, многогрешная, левой ногой с Покрова Пресвятыя Богородицы до Николина дня осеннаго, и по сем воспомяну святаго отца Герасима, что многа чудеса и исцеления творит приходящим к нему с теплою верою. И обещася итти к нему помолитися, и бысть мне от того легче. И она после заутренни в Николин день приежжала ко святому молитися и панихиду пела, и святою водою священник кропил, и перси от раки его взяла, и болящую ногу свою терла. И бысть ей от того милость Божия, простил ея преподобный в той час у гроба своего неотступно. Она же паки в Великий пост, марта в четвертый день, на память святаго отца Герасима, молитися приежжала и сказала священнику ту сущему в часовне пред всеми, како ея вскоре исцели святый у гроба своего неотступно. И вси слышаше ту людие воздаша хвалу Богови и святому угоднику его Герасиму. И по сем моли она священника ту сущаго, яко да повелит сие чудо святаго писанию предати на пользу слышащим, и отцу своему духовному руку положить, по ея прошению, исцеления ради, и подписано. 

Чудо святаго тридцать седьмое

Полезно есть и сие чудо святаго поведати и небрегущих наказати, прочее боятием Бога и угодников его почитати всегда. Не по мнозех же днех онех ино чудо явися в том же году, марта в седьмой день, приежжал в Троицкой монастырь помолитися ко святому с Вологодскаго уезду, Брюховския во- (л. 15 об.) лости, церкви Рождества Христова священник Фома Андреев сын, а сказал троицкому попу Григорию, что немог он в прошлом году правым оком и не видел ничего недель пять и более, и многа молися Богу, и святым обеты клал, и здравия улучити не сподобихся. И по сем услышах о сем святом, что много от него исцеления бывают, и обещася итти к нему помолитися. Вскоре в вечере и по утру востал здрав, прозре болящее око его. Он же о сем воздаде чудеси хвалу Богови и угоднику его преподобному отцу Герасиму, и чудеса его вписати со прочими велел, и руку свою к нему приложил впредь на пользу и иным слыщащим, да не забвена будут чудеса святаго. И положи обещание на ся, что во имя святаго икону написать и по всея годы к нему на память его молитися приходити и панихиды пеги, и иным о сем святом поведати, яко вельми милостив есть и щедр. 

Летописец краткий

В лето шесть тысячь шестьсот пятьдесять пятое*[* В лето 1147], августа в девятый на десять день, на память ев [ятаго ] мученика Андрея Стратилата прииде преподобный Герасим от богоспасаемого града Киева, тоя же веси Глушенскаго монастыря постриженник, еще до зачала града Вологды на великий лес, на Средний посад Воскресения Христова, Ленивыя площадки Малого торжку, и создал от реки Вологды за пол поприща храм пречестень (л. 16) и монастырь в славу Пресвятыя и Живоначальныя Троицы. Оттоле поживе лет тридцать один и скончася в лето шесть тысящ шестьсот восемдесять шестаго году**[** В лето 1178], месяца марта в 4 день, на память преподобнаго отца нашего Герасима, иже на Иордане, ему же зверь послужи. 
По некоторым же достоверным летописцам и обстоятельствам, вероятно, можно сей город почесть в числе городов, построенных в одиннадцатом или десятом столетии, или еще и ранее. Ибо в Житии преподобного Герасима, вологодского чудотворца, пишется, что он пришел от Киева ко Вологде в шесть тысящь шестьсот пятьдесять пятом году, во время княжения великого князя ИзяславаМстиславича, внука Владимира Мономаха, и от реки Вологды за полверсты, на ручью Кайсарове, а в версте от торжка, что ныне Ленивою площадкою называется, (л. 16 об.) построил монастырь Троицкой, где ныне приходская церковь, в верхней части предместия, на конце города, в коей церкви и гробница сего преподобного обретается.

ОР РНБ. FI. № 778. Л. 3-16 об.