Выдающиеся люди Вологодского края

Православный календарь - молитвослов. 2000 : С прил. 365 молитв на всякую потребу. - М. : Лествица, 1999

Молитва преподобному Кириллу, игумену Белозерскому, чудотворцу

О священная главо, преподобие и богоносне отче Кирилле! Припадаем к тебе с верою и любовию и просим тя, небеснаго заступника нашего: яви велие милосердие твое нам, смиренным и грешным, и пролей теплыя молитвы твоя о нас ко Господу Богу. Свойственно есть тебе благосердие, святче Божий, ибо живущу ти на земли, едино бысть у тебе попечение, еже спасати от погибели души человеческия, и вся твоя жизнь святая бысть зерцалом добрых дел, о нихже прославляшеся в тебе Отец Небесный, к Немуже велие дерзновение стяжав, испроси нам у благости Его: веру праву, благочестие нелицемерное, покаяние истинное, братолюбие совершенное и преуспеяние во всех благих делех. Исходатайствуй нам здравие душевное и телесное, земли плодоносие, воздуха благорастворение, мирное и безмятежное житие, непостыдную христианскую кончину и добрый ответ на Страшнем Суде Христовом. Сохрани Церковь святую и державу Российскую от браней и нестроений. Огради и обитель твою честную от всякаго зла и вся правоверныя люди, к тебе приходящия и мощем твоим покланяющияся, осени небесным твоим благословением и вся прошения их во благо исполни. Ей, отче, не презри молитв наших, со умилением тебе возносимых, но буди о нас теплый предстатель ко Господу и сподоби нас помощию твоею святою спасение вечное получйти и Царствие Небесное унаследовати, да славословим велия щедроты и неизреченныя милости Отца и Сына и Святаго Духа, в Троице покланяемаго Бога, и твое отеческое заступление, во веки веков. Аминь.