16 / 28
возлюбивый.
Радуйся, Иоанне, преславный чудотворче.
К
ондак
3
Сила честнаго и животворящ аго Креста
Господня росодательну пещь содела ти, якоже иногда
ангел преподобным отроком, о Иоанне блаженне!
Оградився бо крестным знамением, возлегл еси на
горящем углии в пещи соборныя Успенския церкве,
всех подвизая вопити о сем творцу чудес Богу:
Аллилуиа.
Икос 3
Имуще благое помышление о богоугодном
житии твоем, Успенскаго собора иерей Григорий по
вечернем богослужении утайся за дверию храма, да
увесть, что твориши, един пребывая. Ты же, о Иоанне
богоблаженне, сотворив молитву за глаголющих лесть
и творящих неправду, оградився крестным
знамением, возлегл еси в пещь на горящее углие. Егда
же иерей, ужасом объят быв, сицеваго ради видения
вниде, ты убо, абие исторгся из пещи, рекл еси: еже
сам узрел еси, да никому же поведаеши до кончины
моея. Сего ради рцем вси:
Радуйся, силою честнаго и животворящаго
Креста Господня на горящем углии без вреда
сохраненный.
Радуйся, росою Духа Пресвятаго орошенный.
Радуйся, пламенем любве яже к Богу и
14