21 / 28
К
ондак
8
Странно и чудно житие твое Иоанне всехвальне:
бегая бо по стогнам града Устюга, алчбу и жажду
претерпевал еси, ничтоже от кого взимая, и тако
юную плоть твою духу покоряя, всегда воспевал еси
Триединому Богу: Аллилуиа.
Икос 8
Весь мир православный молитвенно призывает
тя яко великаго угодника Христова, достоблаженне
Иоанне, и сия зовет ти в похвалу:
Радуйся, обетований Христовых наследниче.
Радуйся, временною скорбию вечнаго утешения
сподобивыйся.
Радуйся, алчбою и жаждею плоть твою духу
покоривый.
Радуйся, ангелов и всех святых собеседниче.
Радуйся, о всем мире православном
молитвенниче.
Радуйся, земли Российския теплый пред Богом
заступниче.
Радуйся, Иоанне, преславный чудотворче.
К
ондак
9
Есякаго греха бегал еси аки ада смертоносна,
угодниче Христов Иоанне, и сего ради сподобился
еси Царствия Христова. Тем же молим ти ся, помяни
и нас, многогрешных, ко Святей Троице в умилении
зовущих: Аллилуиа.
19