24 / 28
непостыдну и мирну от Господа восприемый.
Радуйся, Иоанне, преславный чудотворче.
Радуйся, глубокаго смирения стяжателю.
Радуйся, кротости и терпения Христова
предивный подражателю.
Кондак 12
Благодать данную ти от Бога ведяще,
благоговейно покланяемся святым мощем твоим,
лобызаем святолепное изображение лика твоего,
угодниче Божий Иоанне, и моли ти ся, не остави нас
твоим молитвенным предстательством ко Христу
Богу, Ему же благодарне поем: Аллилуиа.
Икос 12
Поюще твое житие, восхваляем мирную кончину
твою, блаженне Иоанне, и молим ти ся, буди нам во
всем ко благу скорый помощник, зовущим ти таковая:
Радуйся, яко одежды греховныя совлеклся еси.
Радуйся, яко в ризу чистоты и непорочности
облеклся еси.
Радуйся, града Устюга добрый и неусыпный
блюстителю.
Радуйся, яко о всех с верою молящихся тебе
присно ко Господу ходатайствуеши.
Радуйся, терпения и злострадания дивный
образе.
Радуйся, всех добродетелей зерцало пресветлое.
Радуйся, Иоанне, преславный чудотворче.
22