23 / 28
Радуйся, святыя Церкве боголепное украшение.
Радуйся, многоскорбное твое течение
благочестно скончавый.
Радуйся, по скончании оного в пресветлых
райских обителех вселивыйся.Радуйся, все житие
твое во угождение Богу посвятивый.
Радуйся, во плоти яко ангел бесплотен поживый.
Радуйся, Иоанне, преславный чудотворче.
Кондак 11
Пение благодарственное Единосущней Троице
от всея души возсылал еси, праведне Иоанне, ведая
кончину земнаго подвига твоего, ея же с радостию
чая, благодарил еси Бога, зовый: Аллилуиа.
Икос 11
Светло сияющее лице твое, яко ангела Божия, и
тело твое аки снег бело обретеся, егда преставился
еси ко Господу, блаженне Иоанне, многоскорбнаго бо
ради и претруднаго подвига твоего, дарова ти Господь
кончину христианскую. Ея же молитвами твоими
сподоби и нас грешных, да зовем ти таковая:
Радуйся, в горний Сион Царя Небеснаго душею
востекий.
Радуйся, яко тамо предстояще, о всех нас тепле
ходатайствуеши.
Радуйся, во время нощнаго подвига течение твое
скончавый.
Радуйся, христианскую кончину безболезненну,
21